Fanontaniana manitikitika antsika ray aman-dreny aty amin’ny tany mafana izy ity. Tokony omena rano sa tsia ny zaza raha mafana ny andro, tsara omena rano ve izy atao fanampin’ny nono, ilain’ny zaza ve ny rano tsotra?
Nanontany rasazy mpampiteraka iray izahay, dia tsy iza fa i Rasazy Vero izay miasa ao amin’ny hopitaly Andravoahangy Andrianavalona. Araka ny voalazany dia feno ny otrik’aina rehetra ilain’ny zaza ny nonon-dreny ny efa-bolana voalahony, eny hatramin’ny faha-enimbolany mihitsy aza.
Matetika anefa hoy izy dia mananatra ihany ny dokotera hanome rano ny zaza izay teraka aty amin’ny tany mafana , na dia atahorana aza ny fisian’ny loto amin’izany rano izany ka mety hitarika haretina hafa indray. Nambarany ihany koa fa fomban’ireo ray aman-dreny taloha ny manome rano mangatsiaka efa nampangotrahina ny zanany, ary nasiana siramamy kely.
Araka ny fandihadiana natao dia tsy mampisy fiantraikany firy amin’ny lanja, na ny fahasalaman’ny zaza mihitsy ny fanomezana rano azy ankoatran’ny rononon-dreny.
Ny anton’izany dia ny fisian’ny otrik’aina rehetra ao anatin’io nonon-dreny io. IO ronono voajanahary io dia miovaova ao anatin’ny iray andro, eny ao anatin’ny sakafo indray mandeha aza. Arak’izay tadiavin’ny zaza sy ilain’ny zaza ny fiovan’izany, mandranoka izy amin’ny voalohany ary miha-marihitra izy any amin’ny farany.
Tsy ilaina noho izany ny manome fanampin-drano hafa , indrindra ao anatin’ny efa-bolana voalohany raha mampinono fotsiny ny reniny. Azo omena rano madio kosa anefa izy raha manomboka mihinana ventin-tsakafo (diversification: purée légumes, fruits). Izany hoe efa mihena tsikelikely ny nono.
Tsy mila asiana siramamy ny rano omena ny zaza fa tsy mitondra inon’inona ho azy iny afa-tsy fahazaran-dratsy fotsiny. Tandremo ihany koa fa rano madio hatrany no omena ny zaza fa mora azon’aretina izy , ary raha marary kibo anefa izy dia rano ihany koa no fanafodiny. Noho izany mila mitandrina tsara isika mpikarakara ny zaza.
Raha fintinina izany dia hoe ny zaza minono amin’dreniny dia tsy mila omena rano, raha tsy hoe angaha mihena ny fanomezana ny nono, na koa hoe marary kibo ny zaza ka mila ampisotroina rano matetika na misotro SRO.
Ho an’ireo reny manome biberons kosa indray dia azo omena rano madio ny zaza fa atao kelikely ihany ary tsy asiana siramamy. Io moa matetika dia nohon’ny fitohanan’ny zaza misotro ronono artifisialy.
Rehefa zavatra malefadefaka sy kelikely ka misy orona, vava, maso anankiroa ary sofina azo rohidritina . Mahafinaritra azy ny mikitikitika ireo karazan-damba sy “texture” rehetra.
Mitambokona kely izy, en position foetale hoy ny teny frantsay. Raha misy zavatra mandalo manoloana ny tànany, dia feheziny mafy izany: antsoina hoe
Efa tsy hita intsony eto ilay grasping. Manomboka eto dia sokafany sy hidiany ny tànany raha mandray zavatra izy, izany hoe efa manomboka mibaiko ny ataony ny atidohany. Arahiny maso izay zavatra rehetra mihetsika manodidina azy, fantany fa manana tànana izy ary alefany any am-bavany io. Rehefa mitsiky aminy iano dia valiany amin’ny tsiky koa izany.
Rehefa matory mihohaka izy dia vitany ny manatrakà ny lohany. Raha apetraka minitra vitsy izy dia efa mitana koa ny hatony. Tiany ho takarina daholo ny manodidina azy rehetra saingy mbola involontaire izany. Io fotoana io no antsoina hoe : 
