Samy manana ny fomba fanaovann’y boulette ny tsirairay. Angamba kosa mandainga izay milaza fa tsy matsiro ny azy!Fomba iray indray ity atolotr’i kilonga.com anao ity. Mahazo tehaka mafy mihitsy Mama raha mahazo an’io ny ankizy!
Zavatra ilaina:
Araka ny mahazatra antsika dia araka ny isan’olona ny fangarony vidina ka tsy fanahy iniako tsy asiana isany. Ho marika fotsiny 100g isan’olona eo ny hena
- Totok’hena omby
- Champignons noirs
- Tongolo be
- Tongolo maitso
- Sakamalao
- Kotomila
- Sira sy dipoavatra
Azo soloina ve-tsin , azo asiana sauce d’huîtres sy sauce soja. ireo no tena mampatsiro azy
Alona ao anaty rano ny champignons noirs mba hivelatra. Azo atao koa anefa no tonga dia mandrotsaka azy avy hatrany anaty rano mangotraka eo ambony fatana, miandry kely 5 mn eo dia sady masaka izy no mivelatra. Teteho majinika avy eo.
Tetehina kely ny tongolo be , ny kotomila, ny tongolo ravina. Totoy halemy ny sakamalao.
Atambaro amin’ny totokena ireo rehetra ireo, volavolao tsara hitambatra. Alefaso ny saosy rehetra manamanitra sy manisy sira
Manaova baolina amin’ireo fangaro ireo, dia atsofoy anatin’itony hazo kely fanaovan amasikita itony
Endaso avy hatrany. Arosoy mafana. Omeo an’i Dada ny tsing-tao!
Fanontaniana manitikitika antsika ray aman-dreny aty amin’ny tany mafana izy ity. Tokony omena rano sa tsia ny zaza raha mafana ny andro, tsara omena rano ve izy atao fanampin’ny nono, ilain’ny zaza ve ny rano tsotra?
