Indreto ary hiran’ny zaza malagasy rehefa mikalo sy milalao izy ireo rehefa diavolana iny. Amin’ny teny malagasy ranoray dia kitonona no filaza azy. Raha misy fahadisona ara-tsipelina dia mangataka anao izahay mba hanoratra amin’ny contact@kilonga.com
Misaotra!
Raha misy manome
Zava-tsoa ho anao
Kingà miteny hoe:
“Misaotra tompoko!”
Ny akoho misotro rano
Na be na kely ny ao
Avia anie tazano
Diniho sy jereo
Zaza Madio
Zaza manas atànana (x3) [2]
Madio ny tànanay
Zaza manasa tongotra
Madio ny tongotray
Zaza manasa sofina
Madio ny sofinay
(Tohizana sady tondroina ny faritra diovina)
Iza iry?
-Iza iry ambony iry o?
Izaho ihany ity o,
-Maninona eny in-dry o?
Izaho mikotroka atody o!
-Firy ny atodin-dry o?
Telo sy efatra ihany o,
-Mba omeo iray aho hoe
Raha mba mikotroka in-dry
Mikotroka ihany aho
Fa tsy mahavanona
Ny akoholahy mitsoka mozika
Ny akohovavy manao riorio
Ny akohokely manao kiokio
kiokiokio, tandremo lahy
kiokiokio, tandremo vavy
123,
123, c’est gai
456 au guet
Au rang des morts
Mort à la france
Aza mandehandeha sans permis
Ding -daing-dong
Aza mandehandeha sans permis
ding- daing- dong
Iny ilay miaramila et go
Vorona an’ala
Any anata alà misy vorombe (x2)
Vorontsoa, voron’anala (x2)
Voro-marobe
Frera Zaka
Ry rahalahy Zaka (x2)
Matory ve ianao? (x2)
Ampanenohy ny lakolosy (x2)
Ding-daing-dong
Ravorom-bazaha
Iny hono izy ravorom-bazaha
Ento manaraka anao any an-tsaha
Rehefa mangina avereno
o o o o o… o o o o o
(miverina)
Zazakely
Izaho anie dia zazakely
Tsotra sady marina
Tia ronono sy tantely
Sy paperimanitra e,
Omeo ange (x2)
Raha tsy ataoko tapitra e!
Raosy Jamba
(Misy mpilalao iray, tapenana ny masony. Manodidina azy ny ankizy ambiny ary mihira)
Raosy Jamba o, raosy jamba
Raha mahita ianao o
Savasavao re ny làlana o
Fantampataro ny anarany o
Isa, roa, telo….
Mandrapanitsako ity tany ity. Pouah!
Encore, encore. Pouah!
Domy ny tany. Douah!
Tsofy ny lanitra. Fouah!
Eiiiii…. izaho anagah mila miombina amin-dry!
(Dia lasa miparitaka daholo ny ankizy, ilay boka kosa miezaka mamantatra ireo ankizy izay tratrany.)
Arendrina
Arendrina o o o
Arendrina taratasy
May, may, may
Izay tsy faly dia miady aminay
Mamerin’isa
Isan’amontana
Roa aviavy
Telo fangady
Efa- dRofia
Dimy emboka
Enina mangamanga
Fito paraky
Valo tanàtanà
Sivy rongony
Folo fanolehana
(miaraka:)
Andriamanintsika ny papango
Kely mpitsoka farara ny takatra
Kely mpamalifaly ny vanja
Kely mpandatsaka aiana ny bala
Lava tànana tsy miasa ny foza
Bodokely matavy ny hoho
Nankaiza i Marigerity
(manao faribolana ny ankizy ary misy iray boka eo afovoany)
Nakaiza i Margerity? (ok ok ok)
Nankaiza i Margerity? (ok o ry sakaiza)
Ao anatin’ilay tranokely (x2) (ok ok ok )
- Izaho izao mba te hitaiza, (ok ok ok)
- Avo loatra ny tamboho (ok ok ok)
Angalanay vato iray (ok ok ok)…roa… telo… efatra…
(arakaraka izay isan’ny mpilalao andaniny)
Vato iray (roa, telo, efatra) ve dia mba ho aiza (ok ok ok)
(Mandrapaha-tapitry ny mpilalao manodidina, ary eo dia tondroina ny lohan’ilay eo afovoany ary atao hoe:)
-Mpiventy (Mp): Inona ny ao anatin’ity?
-Valiny (Va): Atody
-Mp: Inona ny ao anatin’ny atody?
-Va: Tapotsiny
-Mp: Inona ny ao anatin’nytapotsiny?
-Va: Tamenany
- Inona ny ao anatin’ny tamenany?
-Va: Kofehy
-Mp: inona ny ao anatin’ny kofehy?
- Va: Fanjaitra
-Mp: Inona ny ao anatin’ny fanjaitra?
-Va: Demony
(Avy eo dia lasa mifanenjika)
Avy mangataka izahay
(Mizara sokajy roa ny mpilalao A sy B, ny tena tsara dia lahy sy vavy dia mifanantona:
A: Avy mangataka izahay (x3)
B: Iza re no alainareo? (x3)
A: I… no alaina (x3)
B: Iza re no haka azy (x3)
A:I… no haka azy (x3)
A: Amin’n firy ny fotoana (x3)
B: Amin’ny … ny fotoana (x3)
A: Alefaso ary ny didinareo sy ny dakanareo sy ny dihinareo
B: Ny didinay dia efa mipetraka, efa mipetraka mandrakizay
(Mifanantona ny ekipa A sy B – izay voatonona anarana mankeo ampovoany dia miandry ny didin’ny ekipa )
A+B: izay mahery voanjo manta, izay mahia tanalahy o!
Tsofirano izy o! fa hanambady izy o!
(Mifampisintona ny mpilalao roa eo afovoany ary izay mahasintona no maharesy)
Mandihiza rahitsikitsika
Mandihiza rahitsikitsika, hianaranay
Hianaranay… hianaranay
Mandihiza rahitsikitsika
Hianaranay amin’ny fararano e!
Mandihiza o, mandihiza o
Mandihiza rahitsikitsika
Mandihiza eny Mahamasina o,
Hifalian’ny Manjakamiadana e,
Mandihiza rahitsikitsika
Hianaranay amin’ny fararano o
Mandihiza e, mandihiza o
Mandihiza rahitsikitsika e!
Nankaiza?
(eo ambony felatànana)
nankaiza ny tanteliko teto o?
Lanin’ny vitsika o,
Vitsika inona o?
Vitsikambo o,
Kambo inona o?
Kambo sola o,
Sola inona o?
SOla-paika o,
Paika inona o?
Pai-drora o,
Rora inona o?
Rora-vazana o,
Vazana inona o?
Vazan’omby o,
Omby inona o?
Omby ranga o,
Ranga inona o?
Ranga sofina o,
Sofina inona o?
Sofin’omby o,
Omby inona o?
Omby ranà o,
(tetzina ny tànana)
Teto izy nihinam-bary tsy nanome ahy,
Teto izy nisotro rano tsy nanome ahy
Teto izy tratran’ny orana
Teto izy nialokaloka …
(ambany helika sady kitikitihana)
…dia tratrako e!
Fianarana manisa hatramin’ny dimy ho an’ny ankizy kely.
Isa: isao ny ganagana
Roa: roahy koa ny gisa
Telo: teloy avy hakana
Efatra: efa roa sisa no ao
Dimy: diniho izay atao
INDRETO NY VORON-KELY
Indreto ny voron-kely mifankahita ao anaty saha
Somary mitosy kely dia mifampitsiky sy mifampizaha
Manao fangalam-piery , mifanina mifampijery
Aiza ny elatrao re mba hindramiko mba ho ahy
Alefa diralila, alefa diralila
Alefa diralila lila lila
Alefa diralila, alefa diralila
Alefa diralila lila lila
MISY TRONDRO VAOVAO
Misy trondro vaovao hono eh!ehe!he
Blakibasy no anarany iii
Aiza izy no mipetraka
ao anaty rano
Satria nahoana eh ?
Io ary le tsisy taolana
Io ary le tsisy taolana
Ny ilany ihany no mihetsika
Ny ilany mihetsika
Aodony, aodony, ao izany
MANGA( manao boribory manao azy dia asiana ankizy eo afovoany)
I manga no antsoina ry lahy öia eh!
Ka ny hafa no namaly ôia
Ndao mba hiaraka ho tondroina
Fa i Manga no nantsoina Ka ny hafa no mamaly eh:
Dia mitehaka sady manao kidodo ny ankizy manodidina moa i Manga mandihy eo afovoany , avy eo manondro ankizy hafa indray hisolo ny toeran’i Manga)
VOASARY LALAO
Voasary lalao eh !
Ndao isika hilalao eh !
Hanao tanisa , hiarahantsika
Isa roa, roa miandoha
Telo efatra tsara toetra
Dimy enina tsy averimberina
Fito valo tsy atakalo
Sivy folo koa arahabaina daholo
Rehefa vita ny fiarahabana tanan-kavia sy havanana
Aoka hianao hiaraka tsara solon’ny mifandray tanana
Rehefa vita ny fiarahabana inona indray no atao
Ndeha isika re rankizy hiaraka hilalao
Hiaraka hilalao
.gif){kind=small}
O RALILA!
Ô Ralila ô ô!
Ô Ralila a a!
endeh’sika hody E E! ô Ralila!
fa alina ny andro E E! ô Ralila!
Raha manana tononkira ho an’ny zaza ianao dia aza misalasala mandefa izany any amin’ny tatisy@hotmail.fr na manorata eto amin’ny faritra fandefasana hafatra eto ambany . Misaotra e!
