Arakan’ny fangatahananareo reny maromaro, dia indro atolotr’i Rasazy Vero (ao amin’ny Hopitaly Ravoahangy Andrianavalona) ny sarintsarin-tsakafo azo omena ny zaza valo ka hatramin’ny 10 volana. Marihina hoy izy fa tsy tokony asiana saosy matsiro sy sira be loatra ny sakafo omena ny zaza, ary na dia efa mitovy amin’ny sakafon’ny olon-dehibe aza dia ny fetrany no isan’ny mahasamihafa azy.
Maraina:
Kobam- bary sy ronono
Vary sosoa sy totom-boanjo
Azo atao koa: 250 ml de lait de suite (lait 2 ème âge)+ 2 sotro lehibe céréales infantiles
10 ora:
Ronono sy biscuit (petit beurre ohatra) na gâteaux tsy misy crème,
Azo atao ranom-boankazo fotsiny koa.
Atoandro:
Vary sosoa sy laoka (efa mahazo mihinana ny anàna rehetra afatsy ny anamamy)
Epinard, ati-kena, ati-dohan-kena (cervelle)
Dessert:
Voankazo rehetra, fromage malemy (kiri ohatra)
Azo atao koa:
180 g legioma (nopotsehina malemy) + 20 g hena (trondro, tamenak’atody, hena), yaourt sy voankazo natioraly masaka sy malemy na compote (100 ml).
4 ora:
Hodi-mofo sy ronono, na chapelure na biscotte (levonina ao anaty ronono izany)
Farilac sy yaourt nature
Vovo-katsaka sy ronono
Mangahazo sy ronono
Azo atao koa:
Laitage ( petits suisses (2) , yaourt (1) , na 150 ml de lait 2ème âge)+ voankazo (100 ml)+ biscuit.
Hariva:
Vary sosoa sy laoka
Vary amin’anàna na lasopy
Apango malemy (aza atao may loatra ny vary, fa tsy dia tsara sady mangidy) sy laoka maivana (izany hoe legioma fa tsy asiana hena intsony akory)
Dessert:
Rano fisotro madio
Ranovola na tapak’akondro
+Fatran-dronono hariva
Azo atao koa:
lasopy legioma marihitra (180 ka hatramin’ny 200ml) sy gruyère râpé na dibera kely, arahina laitage na voankazo (100ml).
Fanamarihana:
Aza adino ny manome rano madio ny zaza isakin’ny sakafo
Indray isan’andro ihany ny zaza no tokony mihinan-kena: atody, akoho, hen’omby , trondro
Atao betsaka ny legioma ary ampiarahana vary na ovy, na paty foana
Aza adino ny manome ronono azy (fromage, rononon-dreny, ronono ho an’ny zaza sahaza ny taonany, yaourt nature)
Atao madio foana ny fitaovana ampiasaina ho an’ny zaza, indrindra ny biberon sy ny vilany andrahoana ny sakafony)
Samy manana ny fitombony ny zaza tsirairay, misy mahery mihinana misy kely tenda. Rehefa salama vatana sy tomady izy ka tsy mihen-danja dia tsy misy atahorana izany. Manantona dokotera raha toa ka misy manahirana anao.
